Монгол Улсын Засгийн газраас хэрэгжүүлж буй иргэдэд хүнд сурталгүй, хурдан шуурхай, хүртээмжтэй төрийн үйлчилгээ хүргэх ажлын хүрээнд Мэдээллийн технологи, Шуудан, Харилцаа холбооны газраас "Төрийн түгжрэлгүй үйлчилгээ" зорилтын хүрээнд "Төрийн үйлчилгээний цахим машин" буюу "ТҮЦ МАШИН" төслийг хэрэгжүүлэхэд тус компани гүйцэтгэгчээр амжилттай ажиллаж гүйцэтгэв.
Төрийн үйлчилгээ авахад цаг хугацаа, хүнд суртал, чирэгдэл ихтэй байв. Нэг иргэн дунджаар 100 айлд байрлах Иргэний бүртгэлийн газраас лавлагаа авахдаа хамгийн багадаа 1 цаг гаруй хугацааг зарцуулдаг байв. Мөн ажлын бус цагаар, амралтын өдрөөр төрийн үйлчилгээ авах боломжгүй хаалттай байв. Төрийн үйлчилгээг авахдаа иргэн холбогдох татвар, хураамжаа аль нэг банкны дараалалд зогсч тушааснаар хугацаа их алддаг байв.
100 айлд байрлах Иргэний бүртгэлийн газрын үйлчилгээний дарааллын ачаалал 40 гаруй хувиар буурсан.
Төрийн үйлчилгээнд дэвшилтэт технологи нэвтрүүлснээр дунджаар нэг иргэн 4-5 минутад төрийн үйлчилгээ авдаг болов.
ТҮЦ машин 2013 оны 6 сарын 19-ны өдрөөс эхэлж өнөөг хүртэл нийт 424,987 иргэнд 848,406 үйлчилгээ үзүүлж, үүнээс 548,135 удаа үйлчлүүлэхдээ иргэд нийт 4,5 одын үнэлгээ өгсөн байна.
Төрийн үйлчилгээ иргэдэд хамгийн ойр байрлах дэлгүүр, үйлчилгээний төвүүдээр хүрч байна.
