Vidyo нь дэлхийн видео технологийн салбарт тэргүүлэгч брэнд юм. Видео хурлын системийн хувьд танд хэрэгтэй бүхнийг өндөр чанар, өргөн хамрах хүрээнд бодит хэмнэлттэйгээр нэвтрүүлэх боломжийг олгоно. Хурлын өрөө, ширээний болон зөөврийн компьютер, таблет, ухаалаг утас зэргээр видео хуралд оролцоно.
Уг системийг 2009 онд Google компани Google+ HangOuts үйлчилгээндээ нэвтрүүлсэн бөгөөд Vidyo компани технологийн түншээр хамтран ажиллаж байна. Манай компани 2012 оноос Vidyo компанитай хамтран ажиллаж эхэлсэн бөгөөд 2014 оны 7 сараас Vidyo компанийн Монгол Улс дах албан ёсны төлөөлөгчөөр сонгогдон ажиллаж байна.
QMATIC нь Швед улсын компани бөгөөд үйлчилгээний дараалал зохицуулах технологийн шийдлээрээ Дэлхийн №1 брэнд болсон бүтээгдэхүүн юм. Та Qmatic системийг байгууллагын үйлчилгээндээ нэвтрүүлснээр хэрэглэгчдэдээ тав тухтай байдлыг бүрдүүлж, үйлчилгээгээ шуурхай үзүүлэх, хянах боломжтой болно. Хэрэглэгч хүссэн үйлчилгээгээ урьдчилан онлайнаар хялбархан сонгож цаг авах, дарааллын дугаар авах боломжуудыг олгоно.
Манай компани 2014 оноос эхлэн Qmatic компанийн Монгол Улс дах албан ёсны төлөөлөгчийн эрхтэйгээр Монголын зах зээлд нэвтрүүлэхээр ажиллаж байна.
“Телко” нь хэрэглэгчийн гар утасны дугаарыг ашиглан интернэт орчинд хүмүүсийг хооронд нь үнэгүй холбох харилцаа холбооны шинэ үеийн үйлчилгээ юм. Уг үйлчилгээний програм хангамж нь компьютер болон ухаалаг утасны гэсэн програм хангамжийн хоёр хувилбараар хэрэглэгчдэд хүрэх болно.
Хэрэглэгч интернэттэй үед хүссэн газраасаа хоорондоо үнэгүй ярих, чатлах зэргээр холбогдох боломжтой юм. Телко үйлчилгээний програм хангамж нь одоо хөгжүүлэлтийн шатандаа байна. Тун удахгүй зах зээлд гарахад бэлэн болно.
“Smartdesk” нь үйлчилгээний байгууллагуудад зориулсан харилцагчийн тусламж үйлчилгээний систем юм. Дуудлагын төвөөр болон цахим орчноор харилцагч, хэрэглэгчдэдээ тусламжийн үйлчилгээ үзүүлэхэд хялбар ба систем нь SAAS байдлаар ажиллана. Бизнесийн байгууллагууд борлуулалтын дараах бүтээгдэхүүн, үйлчилгээний тусламж үйлчилгээг хэрэглэгч, үйлчлүүлэгчдэдээ хялбар хүргэхэд нь тусална. Энэ програм хангамж нь вэб портал болон ухаалаг утасны програм хангамжийн гэсэн хоёр хувилбараар хэрэглэгчдэд хүрнэ.
Монгол Улсын хэмжээнд нийт 108 ширхэг ТҮЦ машин суурилуулснаас Улаанбаатар хотод 80 ширхэг, орон нутагт аймгийн төв болон хүн ам төвлөрсөн сум суурин газарт 28 ширхэг тус тус ажиллаж төрийн 21 үйлчилгээгээр иргэдэд үйлчилж байна.
Улаанбаатар хотод байрлах агаарын чанарын хяналтын суурин харуулын хэмжилтийн үр дүнг өгөгдлийн нэгдсэн санд хадгалж, үүнээс агаарын чанарын мэдээг боловсруулж олон нийтэд AGAAR.MN болон ухаалаг гар утасны "Агаар" програмаар түргэн шуурхай хүргэж байна. Мөн Нийслэлийн гэр хорооллын өрхөд хөнгөлөлттэй үнээр тараасан сайжруулсан зуухны бүртгэл тооллого хийх ба тооллогын хяналтыг сайжруулах үүднээс зуухны фото зураг, GPS байрлал хадгалдаг мобайл аппликэйшн хөгжүүлэв.
Монгол Улсын Засгийн газар иргэдийн санал хүсэлт хүлээн авах 1111 төвийг 2013 онд байгуулсан. Тус төв нь иргэдээс санал хүсэлт, өргөдөл гомдлыг утсаар, мессежеер, имэйл, Facebook, Twitter гэх мэт 10 төрлийн сувгаар хүлээн авч холбогдох байгууллагад шуурхай хүргэж, хариуг иргэнд мэдээлэлдэг.
МУИС оюутан суралцагчдынхаа суралцаж буй байдал, дүнгийн тодорхойлолт, оюутны тодорхойлолт албан ёсоор авах болон бусад үйлчилгээг Түргэн үйлчилгээний цэг (ТҮЦ) машинаас авах үйлчилгээг сургалтын үйл ажиллагаандаа нэвтрүүллээ. Дээрх үйлчилгээг Сургалтын нэгдсэн албанаас авдаг байсан бол цаг хугацаагаа хэмнэж, түргэн шуурхай байдлаар ТҮЦ машинаас авснаар сургалтын нэгдсэн албан (СНА)-ы ачаалал буурч, оюутанд өгөх үйлчилгээнд зарцуулах цаг нэмэгдсэн.
Төрийн банкны дуудлагын төв 18001881 болон харилцаа холбооны нэгдсэн системийг 2011 онд нэвтрүүлсэн. Дуудлагын төвийг байгуулснаар банкны харилцагчдад мэдээллийг түргэн шуурхай хүргэх, дуудлагын төвийн операторт хяналт тавих, ажлын бүтээмжийг нэмэгдүүлж урамшуулах тогтолцоо бүрдсэн. Мөн байгууллагын салбар хоорондын онлайн дэд бүтэц дээр суурилан байгууллан харицаа холбооны нэгдсэн системийн суурилуулсан. Ингэснээр байгууллагын салбар хоорондоо ярих, чатлах гэх зэргээр дотоод харилцаа холбоог сайжруулсан.
УБЦТС ХК-ийн гадуур ажиллах хүчний ажлын бүтээмжийг нэмэгдүүлэх зорилгоор гадуур ажиллах хүчийг хянах, удирдах, ажилбар үүсгэх, хуваарилах, ажилтанд зааварчилгаа өгөх, шууд харилцах зэрэг үйлдлийг хийдэг.
Улаанбаатар цахилгаан түгээх сүлжээ ХК нь Улаанбаатар хотын 243 мянган айл өрхөд цахилгаан түгээх, хангах үйлчилгээг үзүүлдэг. Манай компани 2014 онд цахилгаан хэрэглэгчийн үйлчилгээг хэрэглэгчдэд цахимаар түргэн шуурхай хүргэх системийн хөгжүүлэлтийн ажлыг хийж гүйцэтгэсэн. Энэхүү цахим систем нэвтэрснээр Улаанбаатар хотын цахилгааны эрчим хүчний хэрэглэгчид цахимаар дуудлага өгөх, дуудлагын түүхтэй танилцах, цахилгааны төлбөр төлөх, хэрэглээгээ хянах зэрэг үйлчилгээг авахад хялбар болсон.
Юндэн үйлчилгээ нь цахим бизнесийн үйл ажиллагааг идэвхжүүлж, Улаанбаатар хот болон орон нутгийн иргэдэд орон зай, цаг хугацаанаас үл хамаарсан цахим худалдааны системээр бараа, бүтээгдэхүүн худалдах ба худалдан авах боломжийг олгосон үндэсний интернэт худалдааны үйлчилгээ юм.
Аствишн компани 2007 онд мэдээллийн технологи, харилцаа холбооны салбарт үйл ажиллагаагаа эхлүүлсэн. Байгуулагдсан цагаас хойш мэдээллийн технологи, харилцаа холбооны салбарын хөгжилд өөрийн бодитой хувь нэмрийг оруулж байна.
Дэлгэрэнгүй
